Rêxistina HDP’ê ya Êlihê bi tevlêbûna deh hezaran miting pêk anî. Di mîtîngê de Hevseroka HDP’ê Pervîn Buldan axivî û got: “Di serdema AKP’ê de zilm, zordarî û kuştin zêde bû. Wan wekî Heskifê di bin avê de bihêlin.”
Di çarçoveya xebatên hilbijartinê yên HDP’ê de li Êlîhê mîtîng hat lidarxistin. Hevseroka HDP’ê Pervîn Buldan di mîtîngê de gel silav kir û wiha got: “
Em di dîrokê de her dem bûn şahidê êşên mezin. Wekî Roboskê, Wekî Efrînê û herî dawî wekî Pirsûsê rojek berî cejnê li Pirsûsa Rihayê li ber nexweşxaneyan qetil kirin. Gelê me vê zilmê ji bîr nake. Gelê me dê di 24’ê Hezîranê de AKP’ê di sindoqê de defin bike û bersîve bide.
Êşa ku gelê kurd dijî, piştî 16 salên AKP’ê zêdetir bû. Hiekûmeta AKP’ê ji êş, birçîbûn, zilmê wêdetir tiştek bi xwe re neanî. Niha tenê tiştekî dikin. Bêbextiyê dikin. Heriyê davên HDP’ê û Demîrtaş. Her roj heriyê daêjin. Li vî welatî dê biratiya gelê kurd û tirk bîne. Dê li vî welatî gelê Êlihê çareseriyê bîne. Ji ber ku me soz daye Sakine, Mazlum, Xeyriyan. Me soz daye Orhan Dogan, Vedat Aydinan.
Em bang li kesên bê biryar dikin ku dem hindik maye û bi kez biryara xwe bidin. An ji bo ronîbûnê, an jî ji bo taribûnê bijartina xwe bikin. An ji bo mazluman an jî ji bo zilmê bijartina xwe bikin. Lê em bawer in ku hûn dê ji bo aştî, ronahiyê hilbijartina xwe bikin. Em destûr nadin li vî welatî ne leşker û ne jî gerîlayek jiyanaxwe ji dest bidin. Em destûr nadin darbest bên vî welatî. Em destûr nadin li vî welatî ciwan jiyanaxwe ji dest bidin.
Em ê kefa wan di qirika wan de bihêlin. Em dê Birêz Selaheddîn Demîrtaş bikin Serokomar. Ji ber vê yekê dengek ji bo HDP’ê û dengek ji bo Demîrtaş. Ji bo siberoja ronak û azad em tev bigerin. An azadî an azadî.”
Ji bo siberoja azad em ê tevbigerin
