Bi armanca kêmkirina rêjeya bêkariyê di nava welatiyên Reqayê de û bi taybet di nava ciwanan de Buroya Karkirinê ya girêdayî Komîteya Karûbarên Civakî bi hemû derfetên xwe hewl dide kar ji welatiyên Reqayê re peyda bike.
Buroya Karkirinê ya girêdayî Komîteya Karûbarên Civakî ya Meclisa Sivîl a Demokratîk a Reqayê bi armanca peydakirina kar ji welatiyên Reqayê re û bi taybet ji ciwanan re li gorî bawername û pisporiyên wan bi hemû hêz û derfetên xwe dixebite û pêşwaziya daxwaznameyên welatiyan dike.
Heta niha hejmara daxwaznameyên ji Buroya Karkirinê re hatine 6 hezar in. Buroya Karkirinê li gorî bawername û pisporiyên welatiyan li gorî derfetên xwe mehane ji 350 heta 400 welatiyan di saziyên cuda de bi cih dike.
Girêdayî mijarê endama Rêveberiya Buroya Karkirinê Hêlîn Îsmaîl wiha got: “Em rojane pêşwaziya nêzî 100 welatiyan dikin û em hewl didin ji van welatiyan re karekî peyda bikin. Di vê çarçoveyê de pêşbirk tên lidarxistin da ku welatî li gorî bawername û pisporiyên xwe di saziyan de bêne bicihkirin.”…ANHA
Buroya Karkirinê derfetên kar ava dike
