Şervanên YPJ‘ê yên di Pêngava Bagera Cizîrê de cih girtine, diyar kirin ku wan azadiya xwe di nava YPJ‘ê de dîtin û destnîşan kirin ku ew ê ji bo azadiya hemû jinan, têbikoşin.
Şervanên YPJ‘ê di Pêngava Bagera Cizîrê de ya bi armanca rizgarkirina bajaroka Dişîşa û ewlekariya sînorê Iraq û Sûriyê di eniyên pêş de li hemberî DAIŞ’ê cih girtine.
Hejmareke şervanên YPJ‘ê yên ku nû tevlî refên YPJ‘ê bûne armanca tevlîbûna xwe ya Pêngava Bagera Cizîrê de anîn ziman û gotin ku ew ji bo azadkirina jinan ji çeteyên DAIŞ‘ê şer bikin.
Zeyneb Dêrik: Ev cara yekemîne ez tevlî şerê li dijî çeteyên DAIŞ‘ê dibim. Wekî jineke ciwan ji Dêrazorê ez ê wezîfeya xwe ya rizgarkirina welatê xwe û jinên Ereb ji zilma DAIŞ‘ê ya bi salan pêk bînim, ez ê li hemberî zihniyeta ku jin tenê karê malê dike û zincîrên kolekirina jinan bisekinim.”
Viyan Dêrazor: Ez beşdarî Pêngava Bagera Cizîrê ya rizgarkirina bajaroka Dişîşa bûme û ez ê beşdarî pêngavên li pey wê jî bibim, wekî ku ez azad bûme, ez ê jinên bindest jî rizgar bikim, da ku mafên xwe bidest bixin.”…ANHA
Em ji bo azadiya jinan şer dikin
