Rêxistina Kongreya Star akademiyek ji bo perwerdeya jinên ciwan, xebatkar û hemû jinên ku cihê xwe di saziyan de digirin, vekir.
Kongreya Star li Kobanê akademiyek li ser navê şehîd Şîlan Kobanê vekir. Di akademiyê de wê li ser gelek mijaran perwerde bên dayîn û hemû jinên ku cihê xwe di saziyan de digirin wê beşdarî perwerdeyê bibin.
Di akademiyê de wê her dewreyek 45 rojan dewam bike, dewreya yekemîn wê 25’ê meha Hezîranê dest pê bike û herî kêm wê 30 kes tev li perwerdeyê bibin.
Navend perwerdê ji aliyê dayika şehîd Şîlan Kobanê ve hat vekirin.
Di merasîma vekirinê de li ser navê Kongreya Star Karla Cinlonî ku bi eslê xwe îtalyan e, axivî û wiha got: “Di vê astê de me dît ku her kes piştgiriya gelê kurd dike û niha zexteke pir cuda li ser jinan heye û em li hemberî vê yekê bi hevkariya xwe xebatan dikin, ji bo ku em bikarin li ser her tiştî bisekinin, wek saziyên jinan.”
Her wiha axaftin ji aliyê nûnerên saziyan yên jin û rêveberiyên jin ve hatin kirin û di axaftinan de hat gotin ku divê her jinek cihê xwe di saziyan de bigire, tev li perwerdeyan bibe û xwe bi pêş bixe…ANHA
Kongreya Star akademiyeke nû vekir
