Şêniyên gundewarên Aliyan ên girêdayî bajaroka Girke Legê dest bi çandina sebzeyên demsala havîne kirine.
Şêniyên gundewarên Aliyan ên girêdayî bajaroka Girke Legê zêdetirî debara jiyana xwe li ser çandiniyê dikin. Îsal jî baran di wextê xwe de nebarî û beşeke mezin ji çandiniya demsala zivistanê zerar dît. Bi taybet genim û ceh zerar dît û bû sedema cotkar ziyanên mezin bibînin.
Di van mehên dawiyê de û bi taybet meha gulanê baran gelekî barî û cotkar dixwazin ji şilehiya erd sûdwergirin. Niha destpêkirine sebzeyên bejî diçînin.
Cotkar destpêka meha hezîranê dest bi çandina werzan dikin. Di werzan de zebeş, tirozî û fincik diçînin. Pêdiviya van sebzeyan bi avdaniyê nîne û li bazarên herêmî têne firotin. Her wiha cotkar fêde ji dendikên zebeş û qawînan digrin.
Cotkarê bi navê Ehmed Tehlo yê ji gundê Çîlka anî ziman ku wan ji ber çandiniya demsala zivistanê gelek zerar dîtin û niha dixwazin ji sebzeyên havînê sûdwergirin.
Gazinca Ehmed Tehlo mîna cotkarên dîtir ji bihabûna çandinî û reşandina dendikan heye lê belê ji bo debara jiyana xwe bikin, dîsa jî sebzeyên bejî diçînin…ANHA
Li gundê Aliyan hilberîna sebzeyên havînê
