Li navçeya El-Erîşa ya Şedadê xebatên tenduristiyê bi pêş dikevin,
Piştî ku dermanfiroş û bijîşkên navçeya El Erîşa vegeriyan warê xwe xebatên tendurustiyê pêş dikevin.
Ev çend sal e li navçeya Şedadê rewşa xebatên tenduristiyê pir xirab bûbû. Lê di encama xebatên têne meşandin de, bijîşkên navçeyê êdî vedigerin warê xwe û xebatên tenduristiyê bi rê ve dibin.
Navenda Tenduristiyê ya li bajarokê El-Erîşa ya navçeya Şedadê ku di 5’ê gulana sala 2018’an de hate vekirin, ji 50 gundan re xizmetên tenduristiyê pêk tîne. Gundên dikevin xeta xizmetê ya navendê ji bajarokê El-Hedadiye dest pê dikin û heta bajarokê Qana digire nava xwe. Navend ji şêniyan re xizmetên tenduristî û dermanan bê pere pêşkêş dike. Di navendê de 2 bijîşkên giştî, bijîşkekî diranan û 2 hemşîre dixebitin. Di navendê de her wiha ambulans û dermanxane jî hene.
Îbrahîm Ehmed wek hemşîre di navendê de dixebite û derbarê xebatên pêk tînin de ev tişt anî ziman: “Em xizmetên tenduristiyê ji derdora 50 gundan re pêşkêş dikin. Derman û pêwîstiyên tenduristiyê 24 saetan ji welatiyan re têne pêşkêşkirin.”
Hena Mihemed ya ji bajarokê El-Erîşa da zanîn ku beriya navend were vekirin wan gelek zehmetî dikişandin û neçar diman ku nexweşên xwe bibin bajarê Hesekê ku derdora 40 kîlometreyan dûrî wan e…ANHA
