Ji bo ku destekê bidin çalakiya ‘Mertalên Zindî’ ya ciwanên Başûrê Kurdistanê ya li dijî dagirkeriya Tirk, komeke enternasyonal a ciwan berê xwe da herêmê.
Bi pêşengiya Tevgera Ciwanên Welatparêz û Tevgera Jinên Ciwan 8’ê Hezîranê ber bi herêma Qendîlê ve meşek pêk hatibû.
Ciwanên enternayonal ên ku bi mebesta piştgiriyê bidin çalakiyê çûbûn Silêmanî ber bi Qendîlê ve dest bi meşê kirin.
Beriya ku ber bi Qendîlê ve bi rê bikevin, endamê Tevgera Ciwanên Welatparêz Wilyam Berzencî got: “Li Başûrê Kurdistanê, li gel ciwanên enternayonal em ê serdana çalakiya mertalên zindî ya li Qendîlê bikin. Divê em hemû bi hev re li dijî êrîşên dagirker rawestin. Divê em xeyalên Tirkiyê ya dagirkirina Başûr pûç bikin û em hemû bi hev re divê li dij vê rawestin.”
Ciwanên enternasyonal berê xwe dan Qendîlê
