Sewalkarên Girê Spî dest bi depokirina êmê pezê xwe yê demsala zivistanê kir.
Piştî ku cotkar dest bi berhevkirina berên xwe dikin, sewalkar dest bi berhevkirina kayê dikin.
Ji ber ku di vê dema salê de buhayê kayê erzan e, cotkar niha dest bi berhevkirin û kirîna wê dikin. Niha buhayê kayê li navçeya Eyn Îsa ya bi ser Girê Spî bi 40 lîreyên Sûriyê tê firotin. Lê belê di demsala zivistanê de kîlo digihîje 100 lîreyên Sûriyê.
Hin cotkarên ku derfetên wan ên depokirinê hene, kaya ji zeviyên wan derdikeve, depo dikin û di demsala zivistanê de bi buhayê zêde difiroşin sewalkaran.
Gelek caran jî bazirgan jî kaya di bazarê de ji cotkaran dikirin û di demsala zivistanê de bi buhayên zêde difiroşin.
Sewalkarê bi navê Mihemed El-Îsa derbarê mijarê de diyar kir ku ew dema kayê berhev dikin û ji sewalên xwe re depo dikin û wiha dom kir: “Îsal cureya kayê ne zêde baş e, rewşa hewayê bandor lê kir, lê ji ber ku ka êmê sereke yê sewalan e, em neçarin depo bikin.”…ANHA
Sewalkar êm depo dikin
