Welatiyên ji Bakurê Kurdistanê ku li dijî dagirkeriya Tirk serdana mertalên zindî yên li Qendîlê kirin bang li gelê Kurd kirin ku tev bihevre xaka Kurdistanê biparêzin û gotin, “Me çawa DAIŞ binxistibe, divê em bi heman awayî vê desthilatiya AKP-MHP’ê jî binbixin. Parastina Kurdistanê erka tevahî gelê Kurd e.”
Welatiyên ji Bakurê Kurdistanê ku serdana Mertalên Zindî yên li Qendîlê kirin û cejna wan pîroz kirin.
DIVÊ EM DESTHILATA AKP’Ê TÊK BIBIN
Endamê Rêveberiya Meclîsa Bakur li Başûrê Kurdistanê Salih Baykar diyar kir ku ew piştgiriyê didin çalakiya mertalên zindî û wiha axivî, “Desthilatiya AKP-MHP’ê di vê dema hilbijartinên Tirkiyê de ketiye tengasiyeke mezin.” Baykar diyar kir ku belkî dewleta Tirk karî bi awayeke hovane bajar û bajarokên Kuridstanê wêran û talan bike lê, wê nikaribe çiyayên Kurdistanê wer bi rehetî wêran bike. Me çawa DAIŞ’ê binxistibe, divê em vê desthilatiyê jî bin bixin. Rûyê wê yê rast li Pirsûsê careke din derket. Ji ber vê pêwîste tevahî gelê Kurdistanê li hember vê dagirkeriya faşîzan têbikoşe û ser hilde.”
PARASTINA KURDISTAN ERKA ME YE
Endamekî din yê Meclîsa Bakur Tehsîn Yildirim jî diyar kir ku ew dema hatin Qendilê û serdana ciwanên bûne mertalên zindî kirine hêz û moraleke mezin ji wan girtine û wiha axivî: “Parastina axa Kurdistanê erka tevahî gelê Kurd e. Dewleta Tirk hewl dide bi êrîşên hovane vîna gelê Kurd bişîkîne lê, wê nekare vêya serbixe, sekna gelê Kurd ya li hember vê hovîtiyê diyar e.”…ROJNEWS
Parastina Kurdistanê erka hemû Kurdan e
