Jin heta niha di tevahiya civakan de ji ber zîhniyeta zilam a dagirker gelek zor û zehmetiyan dijîn. Li gel mêr û civakê wekhevî di navbera jin û mêr de tune bû lê belê piştî şoreşa Rojava jin xwe ji berê zêdetir birêxistin kir û di civakê de bûn xwedî rolekî girîng.
Li kantona Şehbayê kevneşopiyên ku jin di malê de bimîne, tenê xizmeta hevjînê xwe bike û zarokan xwedî bike, serwer e. Li hemberî van kevneşopiyan û çarenûsa ji bo jin hatiye diyarkirin, piştî şoreşa Rojava têkoşîn dest pê kir.
Herêma Şehba berî ku were rizgarkirin ji aliyê çeteyên DAIŞ’ê ve hatibûn dagirkirin û ji berê zêdetir jiyan li jinan teng kiribûn. Bi rizgarkirinê re jin xwe li herêma Şehbayê birêxistin kir. Navend û saziyên jin hatin vekirin, dewreyên perwerde hatin birêxistinkirin, niha jî li Şehba jin tev li hemû xebatan dibin.
Yek ji van jinan ku tev li xebatan bûye Recai Himêdî ye. Himêdî berî 6 mehan tev li hilbijartinên meclisa navçeya Kefer Naya dibe û dibe cîgira hevserokên meclisê.
Derbarê mijarê de Himêdî diyar kir ku li navçeya Kefer Naya cara yekemîn ew tev li hilbijartinan bûye û anî ziman ku jin û gelê navçeyê hêz dane wê. Himêdî anî ziman ku piştî ku ew rêxistin jinan nas kiriye cesareta wê zêde bûye û destnîşan kir ku jinên ereb bi rêya rêxistina jinên kurd li herêma Şehbayê pêşketine. Her wiha Himêdî ji jinê herêma Şehbayê daxwaz kir ku tev li karên rêxistinbûnê bibin û civaka xwe pêşbixin…ANHA
Divê jin tevli karên civakî bibin
