Helbestvanên bajarê Hesekê û navçeyên wê, salvegera yekê ya dagîrkirina Serê Kaniyê li parka Kawa ya li taxa Miftî bi şevbêrkekê bîr anîn.
Komîteya Çandê ya navçeya bakur ya bajarê Hesekê bi pêşengiya Komîteya Çand û Hunerê ya kantona Hesekê bi durişma “Çand giyan û wijdana gelan û qîrîna wan ji bo çaranûsa wan e”, ji bo bîranîna salvegera yekê ya dagîrkirina Serê Kaniyê şevbêrkek li dar xist.
Di şevbêrkê de hevserokê Meclisa Navçeya Bakur ya bajêr Remadan Fetah û berdevka Komîteya Çand û Hûnerê ya kantona Hesekê Efef Hesekê axivîn.
Piştî axaftinan, helbestvan, Ferhad Merdê, Stêra Ebdî, Hîbe Îsa, Hozan Kerkendî, Macid Îbrahîm û Yûnis Mihemed helbestên xwe yên girêdayî dagîrkirina Serê Kaniyê, Efrîn û Girê Spî xwendin.
Şevbêrk bi durişmên silavkirina berxwedana gelên bakur û rojhilatê Sûriyê, silavkirina şehîdan û şermezarkirina dewleta tirkî ya dagîrker û çeteyên wê bi dawî bû.