Jinên Şengalê derbarê pêkanîn û êrîşên dewleta tirk ên li ser Efrînê de diyar kirin ku divê dewleta tirk axa Efrînê ya dagir kiriye terk bike û gotin: “Wê zihniyeta faşîst a ku Efrîn dagir kir têk biçe.”
Jinên Şengalê derbarê pêkannîn û êrîşên dewleta tirk ên li ser Efrînê de anîn ziman ku ew ê hesabê pêkanînên qirêj ên ku li ser gelê Efrînê hat kirin û hîn tê kirin, bê pirsîn û gotin: “Erdogan kirinên ku bi destên çeteyên DAÎŞ’ê li Şengalê pêk anî niha bi heman zîhniyeta faşîst û qirêj li ser Efrînê pêk tîne. Wê hesabê van pêkanînên faşîst û yekperest bê pirsîn.”
Jina bi navê Suad Hisên da zanîn ku temenê pergalên yekperest ne demokrasî her dem xezeb û şer afirandiye û got: “Îro Erdogan li Tirkiyê pergalek yekperest ava kiriye û kesên ku ne di fikra wî de bin tasfiye dikin û dixe girtîgehan. Erdogan bi heman şêwazê êrîşî Efrînê jî kir û niha li Efrînê bi destên çeteyên ku navê OSO li wan kiriye heman pergalê ava dike û di vê pergalê de koletiyê dîsa li ser jinê ferz dike. Divê di destpêkê de jin li dijî van pêkanînên Erdogan derkevin û di hilbijartinên 24’ê Hezîranê de Erdogan têk bibin.”Her wiha jina bi navê Emşo Eyo jî da zanîn ku jinên Êzidî wê serî li dijî pergala yekperest netewîne û got: “Bi êrîşan û bi kuştinê gelê Kurd tune nabin. Em bi hêztir dibin. Dema ku çeteyên DAÎŞ’ê ketin Şengalê û çeteyên OSO’yê jî ketin Efrînê bi piştgiriya Erdogan dest avêtin cihên pîroz û dîrokî. Ev yek pêkanînek dijmirovî ye. Ew ê Erdogan û hevkarên wî li ser her çar parçeyên Kurdistanê tu carî negihêjin armanca xwe.”…JINNEWS
Wê faşîzm negihêje armanca xwe
