Sema Yuce di 17’ê Hezîrana 1998’an de li dijî zext, zordestî û neheqiyan serî hildide û di 21’ê Adara 1998’an de çalakiya fedaî pêk tîne û li zindanê bedena xwe dide ber agir. Bi munasebeta salvegera şehadeta Sema Yuce Endama Rêveberiya Kongreya Star Arjîn Firat diyar kir ku Sema Yuce mînakek giranbiha ya têkoşîna doza azadiyê ye û got ku ew ji bo gelê Kurd sembol û nirxek pîroz e.
Sema Yuce berî ku çalakiya fedaî pêk bîne peyamekê dide gelê Kurd û dibêje: “Jina Kurd a ji ronahiya agirê azadiyê wê tevna serxwebûna Kurdistanê bihûne.”
Endama Rêveberiya Kongreya Star Arjîn Firat anî ziman jinên Kurd di her qada jiyanê de li dijî faşîzm û desthilatdaran serkeftin û destkeftiyên mezin bi dest xistiye û got, “yek mînaka lehengên jinên Kurd jê Sema Yuce ye. Jinên Kurd serhildêr in. Tu carî bejna xwe li ber dijmin netewand û ew ê netewîne. Semayê ji bo jiyanek azad û serbixwe bedena xwe da ber agir. Bi çîrûska agirê wê gelê Kurd bi hêztir bû. Jinên Kurd serhildêr in.”
Arjînê da zanîn ku Sema Yuce her dem ji bo doza xwe tu carî dev ji tevgera têkoşîna xwe berneda. Gelê Kurd jî ji wê feyz girt û niha bi milyonan Sema wekî çirûskek agir ji hêviya serîhildanê berxwe didin.”…JINNEWS
Jinên Kurd serhildêr in
