Welatiyên herêma Firatê amedekariyên xwe yên Cejna Remezanê didomînin, welatî şêranî, cil û bergan li sûkê dikirin.
Li sûkên Herêma Firatê yên Kobanê û Girê Spî tevgera cejna remezanê heye. Welatî li sûkê pêdiviyê
n xwe yên cejnê bi cih tînin.
Di nava sûka Kobanê de de walatiya bi navê Zêneb Wêso kêfxweşiya xwe anî ziman û got: “Em bi cejnê kêfxweş in, em bi hêvîne ku di cejnên pêş de şer bi dawî bibe.”
Dayîka bi navê Xedîca Mehmûd diyar kir ku ev cejn ji ya sala derbas bûyî baştire.
Dikandarê bi navê Mihemed Bozan li ser mijarê wiha axivî: “Di nava sûkê de kirîn û firotin normale, cil û berg li gor rewşê ne zêde bûhane. Em bi hêvîne ku cejin bi xêr û xwaşî der bas bibe.”
Welatiyê bi navê Fêsel Eyûb jî da zanîn ku bi nêzikbûna Cejna Remezanê ew hatiye sûkê û destnîşan kir ku 
ew ê şîranî ji bo cejinê bikire.
Endama Nexweşxwaneya Kobanê Evîn Ebdo diyar kir ku wê di rojên cejinê de nexweşxane 24 seatan vekirîbe û wê nobet were zêde kirin.
Rêveberê Asayîşê Mihemed Hisên jî derbarê amadekariyên wan yên ewlekariya cejnê de wiha axivî, “em weke hêzên Aseyîşê ji bo parastina bajêr me hin biryarname derxistine. Zagon jî ji 13’ê meha hezîranê de qedexe kiriye û motorsklêt û tirimbêlên mezin di nava bajêr de bigerin.”Welatiyên Girê Spî jî cejna îsal taybet dibîni. Ciwanê bi navê Hemze Yûsif diyar kir ku ew kêfxweşin ku wê cejnê bi aramî pêşwazî bikin…ANHA
