Yekîtiya Dîsîplîna Leşkerî 4’emîn dewreya xwe bi merasîmekê bi dawî kir.
Li Akademiya Şehîd Siyamend a girêdayî Yekîtiya Dîsîplîna Leşkerî 4’emîn dewreya dîsîplîna leşkerî ya bi navê Şehîd Fîras Kobanê ku 30 endam beşdarî wê bibûn bi merasîmekê hate bidawîkirin. Dewre 45 rojan dewam kir û têde waneyên siyasî, fikrî, bîrdozî û leşkerî hatin dayîn.
Di merasîmê de Endamê Rêveberiya Yekîtiya Dîsîplîna Leşkerî Şahîn Ebdullah axivî û bi dawîkirina dewreyê li hemû endaman pîroz kir û got ku piştî vê dewreyê êdî endamên beşdar divê bi rihekî berpirsyar tevbigerin.
Piştre endamên beşdarî dewreyê bûne sond xwarin.
Endamê bi navê Yezen Mûsa diyar kir ku ew bi beşdarbûna xwe ya nava vê dewreyê gelekî kêfxweş e û destnîşan kir ku dê bi hemû hêza xwe bajarê xwe birêxistin bikin û bang li hemû ciwanan kir ku cihê xwe di nava xebatên pêşxistina bajarê xwe de bigirin.
Merasîma bi stranên şoreşgerî û gerandina govendê bi dawî bû…ANHA
Dewreya Dîsîplîna Leşkerî bi dawî bû
