Jinên bakurê Sûriyê kom bi kom beşdarî xebatên parastinê dibin. Jin li Rojava û bakurê Sûriyê di bin pêşengiya YPJ’ê de di warê parastinê de bi roleke girîng radibin. 30 jinên ciwan piştî ku dewreya perwerdeyê li Akademiya Şehîd Rojda a bajarê Minbicê bi dawî kirin, tev li nava refên YPJ`ê bûn.
30 jinên ciwan piştî ku dewreya perwerdeyê li Akademiya Şehîd Rojda a bajarê Minbicê bi dawî kirin, tev li nava refên YPJ`ê bûn.
Akademiya Leşkerî ya Şehîd Rojda ya navçeya Eyn Îsa ya girêdayî kantona Girê Spî ya herêma Firatê, dewreya xwe ya 5`mîn bi navê Şehîd Mariya Sîpan bi dawî kir.
Dewre bi tevlêbûna 30 jinên ciwan ji pêkhateyên Kurd û Ereb hatibû destpêkirin. Dewreyê 45 rojan dewam kir. Di dewreyê de li ser gelek mijarên cuda ders hatin dayîn.
Fermandarên YPJ`ê û endamên QSD`ê beşdarî merasîma bidawîkirina dewreyê bûn.
Di merasîmê de yek ji fermandarên YPJ`ê Şîlan Silêman axivî û bidawîbûna dewreyê li hemû şervanên YPJ`ê pîroz kir.
Şîlan di berdewama axaftina xwe de diyar kir ku tiştekî pir girîng e ku jin tev li YPJ`ê bibin û rastiya xwe nas bikin û wiha dewam kir: “Bi tevlêbûna jinan a nav YPJ`ê re ne tenê rastiya xwe nas dikin lê belê kesayeta wan xurt dibe û dikarin li hemberî zilm û zorê parastina hemû jinan bikin.”
Şîlan di dawiya axaftina xwe de diyar kir ku divê hemû şervanên ku tev li dewreyê bûne erka xwe li hemberî welatê xwe pêk bînin û parastina welat li hemberî hemû êrîşên derve bikin.
Di dawiyê de şervanên ku dewreya perwerdeyê bi dawî kir, soza leşkerî da…ANHA
