Endama Navenda Çandê ya Kevana Zêrîn a Kantona Kobanê Stêrvan Bozan diyar kir ku têkoşîna gelê Kurd ya ji bo parastina çandê planên qirkirinê vala derxist. Stêrvan got, “Niha jî dem dema xwedîdertina li çand û nasnameyê ye. Divê em ji her demê zêdetir xwedî li nirx û nasnameya xwe derkevin.”
Endama Navenda Çandê ya Kevana Zêrîn a Kantona Kobanê Stêrvan Bozan têkildarî êrîşên dewleta Tirk a li dijî çand û nasnameya Kurdan got: “Têkoşîna gelê Kurd a bi salan û xwedîderketina wan a li çand û axa xwe planên qirkirinê yên Erdogan û yên berî wî, vala derxist.”
Endama Navenda Çandê ya Kevana Zêrîn a Kantona Kobanê Stêrvan Bozan derbarê qirkirina çandê û êrîşên li ser nasnameya gelê Kurd de diyar kir ku parastina çand, wêje, huner, dîrok û kevneşopiyê bingehek xurt a ji bo têkoşînê ava dike û got: “Gelê Kurd ji ber ku bi salan e ji bo çand, huner, wêje, dîrok û kevneşopiya xwe têdikoşin vê esas digirin loma nehişt ku neyar bi ser bikevin.”
Stêrvan Bozan anî ziman ku xwedîderketina nasmeya neteweyî gelek girîng e û got: “Ji bo em planên qirkirina neyaran vala derxînin divê em di destpêkê de tiştên ku bingeha nasnameya neteweyî
ava dike xwedî derkevin. Ev jî çand, huner, wêje, dîrok û kevneşopiya me ye. Îro li çar parçeyên Kurdistanê êrîşek li dijî çand, huner, wêje, dîrok û kevneşopiya me heye. Mînaka vê yekê herî dawî me li Efrînê dît ku dewleta tirk û çeteyan çawa êrîşî peykerê Hesinkar Kawa û cihên dîrokî kir. Her wiha Erdogan dîsa li Bakurê Kurdistanê dest dirêjî nirxên gelê Kurd kir. Li Bazidê Peykerên Ehmedê Xanî hat hilweşandin li Sêrtê Pirtûkxaneya Celadet Elî Bedirxan hat valakirin. Li her derê êrîşek mezin li dijî nirx û nasnameya Kurdan heye. Loma divê em xwedî li nirx û nasnameya xwe derkevin.”
EM LI ÇANDÊ XWEDÎ DERKEVIN
Stêrvanê diyar kir ku divê hemû Kurd bêtir li çand û nasnameya xwe xwedî derkevin û wiha dewam kir: “Bi salane ku li her çar parçeyên Kurdistanê li dijî kurdan polîtîkayên qirkinê dikeve meriyetê. Lê gelê Kurd tu carî dev ji zimanê xwe berneda û xwedî li çand, huner, dîrok û kevneşopiyên xwe derketin. Niha jî dem dema xwedîdertina çand û nasnameyê ye. Divê em ji her demê zêdetir xwedî li nirx û nasnameya xwe derkevin.”
Stêrvanê di dawiya
axaftina xwe de bal kişand ser Berxwedana Serdemê ya Efrînê û wiha got: “Gelê Efrînê bi têkoşîna xwe li dijî qirkirina çandê sekinînin û niha têkoşîna çand û hunera xwe li Kampên Şehbayê didin. Têkoşîna Gelê Efrînê sembola parastina çandê ye. Ev yek jî girêdana gelê Kurd a ji bo çand û nasnameya xwe derdixe holê. Têkoşîna ji bo çandê ya Gelê Kurd qirkirina li dijî Kurdan vala derxist. Loma divê em wekî gelê Kurd her dem têkoşîna xwe ya ji bo nirxên girîng ên ku nasnameya me ya neteweyî ava dikin, xwedî derkevin…
JINNEWS
