Dîwana Hevserokatiyê ya KONGRA GEL bi wesîleya Cejna Remezanê peyam da û bang li her kesî kir ku xwe ji AKP’ê vegirin.
Di peyama KONGRA GEL de hate gotin, “Em Cejna Remezanê li gelê me yê li çar parçeyên Kurdistanê û derveyî welat dijîn, li temamiya alema Îslamê pîroz dikin. Em hêvîdar in ku cejn ji bo piştgiriya neteweyî û civakî ya gelê me bibe wesîle.”
KONGRA GEL diyar kir ku di nava şert û mercên giran de ew cejna îsal pêşwazî dikin û wiha dewam kir: “Rêber Apo cejneke din di nava şert û mercên giran ên tecrîdê de pêşwazî dike. Ji 11’ê Îlona 2016’an û vir ve, yanî bû salek û neh meh bi ti awayî em agahiyê ji Rêber Apo nagirin. Ji ber dagirkeriya Erdogan û çeteyên wî beşeke mezin a gelê Efrînê di nava rewşeke gelekî giran de, beşa din jî li Şehbayê di kampan de bi zor û zehmetî cejnê pêşwazî dikin.
Parlamenter û hevşaredarên ku bi vîna gelê me hatine hilbijartin, rojnamevan, rewşenbîr û bi hezaran siyasetmedarên ji aliyê faşîzma AKP-MHP’ê ve dîl hatine girtin, li zindanê cejnê pêşwazî dikin.
Ev cejn di nava şert û mercên giran ên Rewşa Awarte de tê pêşwazîkirin. Ji bo cejn bibe wesîleya piştevanî û yekîtiya neteweyî û civakî ya gelê me, divê hemû welatparêz û mirovên têgihiştî bi xurtî bixebitin. Li dijî faşîzma AKP-MHP’ê divê mûxalefeta neteweyî û civakî bi rêxistin bikin.”
KONGRA GEL bi bîr xist ku Cejna Remezanê di rojên dawî yên karê hilbijartinê de tê pêşwazîkirin û got, “Ji ber vê yekê, di serdan û pîrozbahiyên cejnê de, wê bi taybetî girîngiya vê hilbijartinê ji bo gelê me bê nirxandin.”
Di dewama daxuyaniya KONGRA GEL de hate gotin, “Zilm û komkujiyên ku desthilatdariya faşîst û dijminê mirovan Erdogan-Bahçelî ya li Kurdan û mirovahiyê kiriye, di bîra gelê me de ne. Divê Cejna Remezanê bibe wesîleya hesabpirsîn û rêxistinbûna gelê me ya li dijî van kujerên dijminê Kurdan.
Divê cejn bibe wesîleya hesab pirsînê
