Cejna Remezanê nêzîk dibe, lê şêniyên Efrînê ji ber dagirkeriya dewleta Tirk û çeteyên wê, cejna remezanê li kampê pîroz dikin.
Gelên musliman cejna remezanê pîroz dikin. Di cejnê de zarok bi kirîna cilên nû kêfxweş û dilşad dibin.
Şêniyên Efrînê îsal, Cejna Remezanê dûrî warên xwe pîroz dikin. Şêniyên Efrînê di bin şert û mercên zehmet de li berxwe didin û diyar dikin ku rizgarkirin û vegera Efrînê cejna herî mezin e.
Zaroka bi navê Rama Mihemed got: “Ji ber destwerdana dewleta Tirk li ser Efrînê, em neçar man ku cejnê beyî amadekarî pêşwazî bikin û ji ber rewşa aborî em nikarin cil û lîstokên nû bikirin”.
Dayîka Neîma jî wiha got: “Cejna Remezanê cejna aştî û dilovaniyê ye, lê artêşa Tirk wateya cejnê ya pîroz guhert û em neçar man ku li kampê cejnê pîroz bikin”.
Apê Henan Xelîl jî bi bîr xist ku şêniyên Efrînê ji bo cejnê bi keyfxweşî amadekariyên berfireh dikirin, lê dagirketiya Tirkiyê kêfxweşî têk bir. Apê Henan got, “vegera li Efrînê ceja herî mezin e.”…ANHA
Rizgarkirina Efrînê cejna herî mezin e
