Parlamenterê Tevgera Goran yê başûrê Kurdistanê Ebdulreman Elî diyar kir ku kiryarên dewleta Tirk hemû sînor derbas kirine û gihiştiye asta dagirkeriyê û got; “Eger pêşiya vê dagirkeriyê neyê girtin, wê metirsiya dagirkirina Kerkûk, Silêmanî û herêmên din jî pêk were.”
Parlamenterê Tevgera Goran yê başûrê Kurdistanê Ebdulreman Elî diyar kir ku kiryarên dewleta Tirk hemû sînor derbas kirine û gihiştiye asta dagirkeriyê û got; “Eger pêşiya vê dagirkeriyê negirîn, wê metirsiya dagirkirina Kerkûk, Silêmanî û herêmên din çêbibe.”
Parlamenterê Tevgera Goran Ebdulreman Elî diyar kir ku asta kiryarên dewleta Tirk gihiştiye dagirkeriyê û got; “Kiryarên dewleta Tirk hemû sînor derbas kirine û gihiştiye asta dagirkeriyê, lê mixabin, berpirsên Herêma Kurdistanê û hikûmeta Iraqê bêdengin. Eger pêşî li vê dagirkeriyê neyê girtin, ez dur nabînim, metirsiya dagirkirina Kerkûk, Silêmanî û herêmên din jî heye.”
Elî diyar kir ku ji serokatiya parlamentoyê xwestine derbarê dagirkeriya dewleta Tirk de rûniştinek pêk were, lê bersiv nedaye û got; “Weke hejmarek parlamenter me daxwaznameyek pêşkêşî piraniya konsolosxane, sefîrên welatan, saziyan, rêxistinên navneteweyî û palamentoya Iraqê kir. Me ji wan xwest ku demildest dengê xwe derbixin li ser vê dagirkeriyê. Herwiha me daxwaz ji Desteya Serokatiya Parlamentoya Herêma Kurdistanê kir ku rûniştinekî neasayî pêk bîne, lê bersiva me nebû.”
Parlamenterê Tevgera Goran yê başûrê Kurdistanê Ebdulreman Elî di dawiyê de wiha got; “Bêdengiya parlamentoyê û hikûmeta Herêma Kurdistanê ya li hemberî dagirkeriya dewleta Tirk, wê rewşên xirab bi xwe re bîne. Desteya Serokatiya Parlamentoya Herêma Kurdistanê berpirsên pêk neanîna rûniştina parlamentoyê ya li ser dagirkeriya dewleta Tirk e. Ev Desteya Serokatiya Parlamentoyê nexwedî asta berpirsyartiyê ye.”…ROJNEWS
