Dewleta Tirk di dijminatiya li kurdan de sînorê nas nake. Rêjîma Erdogan ya ku li ber têk çûnê ye ji bo ku desthilatiya xwe li ser piyan bigire bi her awayî êrîşî kurdan dike. Piştî Efrînê vê carê jî Qendîl, Şengal û Mexmûr xistiye hedefa êrîşên xwe.
Siyasetmedar, pêşmerge û hunermendan berê xwe dan Qendîlê
Nerazîbûna li dijî êrîşên dagirkeriyê yên dewleta Tirk zêde dibe. Komek ji siyasetmedar, pêşmerge û hunermendan ji Silêmanî berê xwe da Qendîlê.
Duh gelek kes li Silêmanî li hev civiyan û ji bo gefên dagirkeriyê yên dewleta Tirk şermezar bikin, berê xwe dan Qendîlê.
Rêveber û endamên Tevgera Azadî, Eniya Gel a Demokratîk, REJAK, Tevgera Çand û Hunerê ya Demokratîk ber destê sibehê bi 2 otubusan berê xwe dan Qendîlê.
Pêşmergeyên Dêrîn, Helbestvan û Hunermend jî di nava komê de hene.
Girseya gel wê li Qendîlê konê çalakiyê yê ciwanan ziyaret bike. Piştre jî wê daxuyaniyekê bide çapemeniyê.
Endamên Tevgera Ciwanên Welatparêz a Başûrê Kurdistanê, çend roj berê çûn Qendîlê û dest bi çalakiya “Mertalên Zindî” kirin. Çalakiya ciwanan dewam dike.
