Bi hatina cejna Remezanê re liv û tevgera li sûkên bajarê Minbicê zêde bû. Her kes pêdiviyên cejnê dikire. Şêniyên herêmê bi kêfxweşî, aramî û ewlehî pêşwaziya cejnê dikin.
Şêniyên bajarê Mibicê xwe ji bo pêşwazîkirina cejna Remezanê amade dikin û pêdiviyên xwe bi cih tînin.
Welatiyê bi navê Abdulqadir Qehreman diyar kir ku ew bi hatina cejnê kêfxweş in û wiha got: “Em hatin sûkê da ku em pêdiviyên cejnê ji xwe re bikirin. Buhayê pêdiviyan jî baş e. Lê ji vê girîngtir ku em li bajarê xwe kêfxweş in û bajarê me di nav aramiyê de ye.”
Her wiha cilfiroşê bi navê Yûnis Mehmûd diyar kir ku ew bi hatina cejnê kêfxweş in û destnîşan kir ku buhayê cilan ne bilind e û şêniyên bajar hemû pêdiviyên xwe dikirin.
Ji aliyê din ve jî Hêzên Ewlehiya Hundirîn gera xwe di nava bajêr de zêde kirine da ku şênî bi aramî cejnê pêşwazî bikin.
Yek ji rêveberên Hêzên Ewlehiya Hundurîn a bajarê Minbicê Rîm El-Elî got ku wan hemû tedbîrên ji bo parastina ewlehiya bajêr girtine û ew 24 saetan di nava liv û tevgerê de ne…ANHA
Minbic cejnê pêşwazî dike
