Êzidiyên ku ji ber êrişên DAIŞ’ê Şengal terk kiribûn êdî vedigerin ser cihê xwe. Ciwanê ku piştî demek dirêj vegeriya Şengalê karê destpêkê ku kir vekirina dikana amûrên mûzîkê bû.
Şengal tevî hemû bê derfetî û gefên dagirkeran jî bixwe birînên xwe dipêçe û hewl dide jiyana xwe bi temamî ji nûve bihûne. Gelek Êzidiyên ji ber êrişên DAIŞ’ê neçar mabûn ku biçin Herêma Kurdistanê, piştî Şengal careke din bi ewle bû vedigerin ser cihê xwe.
Ciwanê bi navê Newaf Heskanî yê şêniyê navçeya Sinûnêye piştî koçberiyeke dem dirêj vegeri
yaye Şengalê û dikana amûrên mûzîkê vekiriye.
TEMBÛRA ŞENGALÊ NAVDAR E
Newaf Heskanî ku nêzî 6 mehe dukaneke amûrên mûzîkê vekiriye wiha dibêje “Ev nêzî 6 mehane min dikana amûrên Mûzîkê vekiriye. Berê niha min li Herêma Kurdistanê vekiribû. Lê, min xwest li Şengalê xizmetê ji civaka xwe re bikim.”
Newaf Heskanî diyar kir ku ew zêdetir tembûran difiroşin û diyar kir ku ji ber tembûra çiyayê Şengalê navdare ew zêdetir giranî didin wê û wiha pêde çû, “Em piraniya amûrên xwe ji Herêma Kurdistanê tînin. Me herî zêde tembûr aniye, ji ber tembûra Şengal pir nav û denge û gelê me jî pir jê hez dike. Nifşê kevin ji amûrên herêmî yên Şengalê hez dikin yên nû jî ji yên derve hez dikin.
Newaf Heskanî diyar kir ku herçend rewşa madî ya gel baş nîne jî lê, dîsa jî ew debara xwe bi vêya dikin…ROJNEWS
