Berdevka Pêngava Bagera Cizîrê Lîlwa Abdullah anî ziman ku hemleya Bagera Cizîrê berdewam dike û şer di navbera QSD`ê û çeteyên DAIŞ`ê de didome. Lîlwa wiha got, “Çeteyên DAIŞ`ê bi êrîşên dijber hewld didin li pêşiya pêngavê asteng bikin. Gel weke mertalên zindî bikar tînin. Û destûr nadin gundiyan ku ji gundên xwe derkevin. Lê hêzên bi operasyonên taybet sivîlan rizgar dikin.”
Berdevka Pêngava Bagera Cizîrê Lîlwa Abdullah anî ziman ku hemleya Bagera Cizîrê berdewame û şer di navbera QSD`ê û çeteyên DAIŞ`ê bi dijwarî didome.
Pêngava Bagera Cizîrê ku di çarçoveya paqijkirina sînorê Sûriyê û Iraqê û gundewarên Hesekê ji çeteyên DAIŞ`ê destpê kiribû didome. Lîlwa Abdullah anî ziman ku pêngav didome û hedefa wan a yekemîn rizgarkirina şêniyên herêmê ye.
Lîlwa Abdullah têkildarî pêngavê agahî da û got: ˝Pêngav ji du baskan dest pê kiriye. Baskê rojhilat û baskê rojava. Heyanî niha hêzên me yên baskê rojhilat 9 km bi pêşve çûne û baskê me yê rojava jî 13 km bi pêşve çûne. Heyanî niha gundê Til Hemîdî, Sefyan, Mezar Xebrî, Hicle, Şemas, Murcan, Ewdad û Um Mehfûr hatine rizgarkirin˝.
Lîlwa Abdullah anî ziman ku li herêmê di navbera şervanên QSD`ê û çeteyên DAIŞ`ê şer dijwar qewimî ye û wiha berdewam kir: ˝Di şer de çeteyên DAIŞ`ê li hemberî hêzên me çekên navîn û giran dide bikaranîn û heyanî niha hejmareke mezin ji çeteyên DAIŞ`ê hatine kuştin û gelek dîl ketine destê me, 5 tunelên wan hatine dîtin. ˝
Têkildarî rizgarkirina sivîlan jî Lîlwa Abdullah wiha got: ˝Hêzên me yê taybet ên girêdayî QSD`ê ji bo rizgarkirina şêniyên herêmê riyên taybet vekirin. Di wan riyên taybet de hejmareke mezin ji sivîlên herêmê ku çeteyan ew weke mertalên zindî bikardianîn, hatin rizgarkirin˝.
Lîlwa got: ˝Çeteyên DAIŞ`ê bi hemû rê û rêbazan dixwazin li pêşiya pêngavê bibin asteng, destûr nadin gundiyan ku ji gundên xwe derkevin, erebeyên bombebarkirî li hemberî hêzên me bikartînin, li gundan jî mayînên lazer ên zû diteqin datînin û dixwazin li pêşiya pêngavê û rizgarkirina şêniyên herêmê bibin asteng.”
Berdevka Pêngava Bagera Cizîrê Lîlwa Abdullah di dawiyê de anî ziman li hemberî mayînên lazer ên çeteyên DAIŞ`ê ekîbên rakirina mayînan derketine û jiyana sivîlan diparêzin…ANHA
