Jinên bajarê Minbicê gefên Tirkiyê yên li dijî bajarê wan şermezar kirin. Jinan diyar ku Tirkiye dixwaze ewlehî û aramiya li herêmê tevlihev bike û dagirkeriya xwe li ser xaka Sûriyê berfirehtir bike.
Jina bi navê Lemiya Xelo gefên dewleta tirk a dagirker ên li ser Minbicê şermezar kir û anî ziman ku ew lihevkirina di navbera Tirkiye û Amerîkayê de ya li ser Minbicê şermezar dikin. Lemiya diyar kir ku wê xwe herêma xwe bi rê ve bibin û pêwîstiya wan bi tu hêzên ku destwerdana karûbarên wan bike, tune ye.
Welatiya bi navê Hena Şerîf destnîşan kir ku dagirkeriya Tirkiyê dixwaze senaryoya Efrîn, Cerablus, Ezaz û Babê yên Bakurê Sûriyê li Minbicê dubare bike.
Hena tekez kir ku ew wek jinên Minbicê piştî ku bajarê wan çend salan di nav zilm û zora çeteyên DAIŞ`ê de ma, ew derfet nadin tu kesî ku ewlehî û aramiya bajarê wan xirab bikin. Hena got: “Gelê Minbicê dizane ku Tirkiye dixwaze li herêmê çi bike. Em tu carî nahêlin ku tu kes armancên xwe li ser xaka me pêk bîne.”…ANHA
Em destûrê nadin dagirkeriya Tirk
