Cotkarên Reqa û gundewarên wê di vê demê de ji bo hilberîneke baştir bigirin xizmeta zeviyên pembo dikin.
Piraniya cotkarên Reqa piştî ku hilberîna xwe ya ceh û genim rakirin niha di nava zeviyên pembo de dixebitin.
Pembo di destpêka meha Nîsanê de li herêmê tê çandin û piştî demekê tê avdan û dema giya di nava zeviyên pembo de derdikeve, cotkar dest bi rakirinê dikin.
Piştî meh û nîvekê ji çandina pembo cotkar li nava zeviyan tayên pembo fer dikin.
Cotkarê bi navê Yasir El-Qatêh wiha got: “Em niha zeviyên xwe axşûv dikin û piştî demekê em ê zeviyên pembo derman bikin û careke din av bidin.” El-Qatêh bang li Komîteya çandiniyê kir ku alîkariya wan bikin da ku hilberîneke baş a pembo werbigirin.
Ji bo hilberîneke baş ya pembo pêdivî bi avdaneke baş heye…ANHA
Welatiyên Reqayê li nava zeviyên pembo ne
