Şervanên QSD’ê di hefteya destpêkê ya hemleya rizgarkirina bajaroka Dişîşa de 12 gund û hejmarek mezre rizgar kirin. Her wiha bi sedan welatiyên sivîl xelas kirin.
Navenda Ragîhandinê ya QSD’ê bîlançoya hefteya destpêkê ya hemleya rizgarkirina bajaroka Dişîşe ya Hesekê ku di çarçoveya Bagera Cizîrê hatiye destpêkirin, bi daxuyaniyekê eşkere kir.
Daxuyanî wiha ye:
“Hêzên me hefteya yekem a hemleya rizgarkirtina bajaroka Dişîşa ya Hesekê bi dawî kir. hêzên me li herdû eniyên hemleyê yên rojhilat û rojava li gorî pîlana ji aliyê Odeya Çalakiyan ve hatiye amadekirin pêş ket. Di encamê de derbên mezin gihandin rêxistina DAIŞ a terorist. Hêzên me ji aliyê rojhiat ve 9 û ji aliyê rojava jî 13 kîlometreyan pêş ve çûn.
Di encamê de hêzên me 12 gund û hejmarek mezre ji çeteyan rizgar kirin. Bi sedan welatiyên sivîl ku di gundan de asê mabûn ji cihên şer hatin dûrxistin.
Di şerên 4 rojên dawî de jî hêzên me bi awayekî yekser bi teroristan re ketin şer. Balafirên koalîsyona Navdewletî ya li dijî DAIŞ’ê jî tevgera teroristan şopandin û bargehên wan yekser bombebaran kirin. Di şerê 4 rojên dawî de hejmarek terorist hatin kuştin, hin ji wan jî bi saxî ketin destê şervanên me..
Di hefteyekê de 27 gund û mezra hatin rizgarkirin
