Parêzgeha Kirmanşan a Rojhilatê Kurdistanê di warê çavkaniyên avê de gelekî dewlemend e. Lê belê ji ber polîtîka û nêzîkahiyên rêjîma Îranê gelê herêmê nikare ji van çavkaniyan sûd bigire. Lewre bi taybetî di mehên demsala havînê de bê av dimînin û bi tankeran av li wan tê belavkirin.
Li gorî rapora mafê Mirovan ya Kirmanşan, rêveberiya Tehranê heta niha li ser çavkaniyên avê yên Kirmanşanê 9 bendav ava kirine. Her wiha amadekarî tên kirin ku 18 bendavên din bên çêkirin.
Balkêş e ku rêjîm bi riya van bendavan piraniya ava herêmê dikişîne parêzgehên gerim û bê av ên Îranê.
Li gorî rapora Saziya Çavkaniyên xwezayî yên Parêzgeha Kirmanşanê ku di meha Gulanê de hatibû amadekirin; ava bendavên Tekhemam, Azadî, Silêmanşah û Zagrosê pir zêde ye û di serde diçe.
Di heman raporê de tê gotin ku ava bendavan û yên din ji bo parêzgehên gerim û bê av yên Îranê tê şandin. Ji ber vê yekê jî gelê parêzgeha Kirmanşan nikare ji avê sûd werbigire.
Alîkarê Berpirsê Saziya Av û Kanalîzasyonê ya Kirmaşanê Feramerz Şohanî bal kişand ku ji sedî 80’yê ava Kirmanşanê ji bo parêzgehên din ên Îranê tê şandin û ji sedî 20 ji bo Kirmanşan dimîne. Şohanî destnîşan kir ku ev jî têra herêmê nake û da zanîn ku di demsala havînê de ew ji bo 350 gundên Kirmanşahê bi tankeran avê belav dikin…ROJNEWS
Di nava avê de bê av hatine hiştin
