Şêniyên gundên El-Hilwa bi germahî û sembolên serkeftinê pêşwaziya şervanên Pêngava Bagera Cizîrê kirin û diyar kirin ku ew li benda QSD‘ê bûn.
Şervanên QSD‘ê di çarçoveya qonaxa temamkirina Pêngava Bagera Cizîrê ya rizgarkirina gundewarên başûrê Hesekê ji çeteyên DAIŞ‘ê de gundên Hilwa û Şemas rizgar kirin.
Şêniyên gund diyar kirin ku beriya şervanên QSD‘ê derbasî gund bibin wan ji bo piştgiriya QSD’ê alên spî daliqandine.
Welatiyê bi navê Salim El-Elûş diyar kir ku ji beriya çend salan ve ew di bin dagirkeriya çeteyên DAIŞ‘ê de zehmetiyan dikişînin û anî ziman ku ew bê sebir li bend QSD‘ê bûn, bi rizgarkirina gund ew pir kêfxweş in.
Di dawiya axaftina xwe de Salêm El-Elûş wiha got, “Ji beriya 3 salan ve DAIŞ gundê me dagir kiriye, av li ser me qut kiribûn. Di demên dawî de kîna wan a li hemberî me zêde bû, bê suc û sebeb li me didan. Banga Islamê dikin, lê nêzîkatiyên wan ji Islamê dûr in. Niha piştî ku QSD‘ê gund rizgar kirin em gelek kêfxweşin.”…ANHA
Welatiyên gund çarçefên reş davêjin
