Desteya Rêveberiyên Herêmî û Şaredariyan a Kantona Cizîrê diyar kir ku di nava van 15 rojan de dê pirsgirêka qutûna avê li navçeya Til Hemîsê bi dawî bibe.
Li gundên navçeya Til Hemîs a girêdayî Qamişlo, pirsgirêka qutbûna avê tê jiyîn. Sedema qutbûna avê li herêmê ew e ku xetên avê di dema êrîşên çeteyan ên li ser herêmê, xirab bûne.
Têkildarî mijarê û bi armanca çareserkirinê, Desteya Rêveberiyên Herêmî û Şaredariyan a Kantona Cizîrê bi şêniyên navçeyê re civiya.
Civîn li navenda Çand û Hunerê ya navçeyê bi amadebûna bi sedan şêniyan hate lidarxistin.
Rêveberê Komîteya Avê ya Desteya Rêveberiyên Herêmî û Şaredariyan a Kantona Cizîrê Kawa Ebdo anî ziman ku navçeya Til Hemîsê ji herêmên ku zêde zirar dîtin û pêwîstiya wê bi avê heye. Ebdo bi bîr xist ku di encama êrîşên çeteyên ên li ser herêmê de xetên avê ziyan dîtin û şênî bê av man.
Kawa Ebdo, destnîşan kir ku stasyonên ava vexwarinê û xeta avê dê bi havkariya rêxistinên mirovî ji nû ve werin sererastkirin û got, “Niha me 23 sarîncên avê peyda dikirine da ku ji bo demekê avê li gundan belav bike ta ku xebatên serestkirinê bi dawî bibin. Xebatên sererastkirinê dê di nava 15 rojan de bi dawî bibin.”…ANHA
Li Til Hemîsê pirsgirêka avê çareser dibe
