Desteya Şaredariyan a herêma Cizîrê ji ber ku pêwîstiya şêniyan bi nan heye li navçeya Til Hemîs a girêdayî Qamişlo bi firinek vekir.
Desteya Şaredariya a herêma Cizîrê ji bo ku nan ji şêniyên gundewarên Til Hemîs re peyda bike firina bi navê Til Hemîs vekir. Vekirina firinê bi merasîmekê pêk hat.
Hevserokê Desteya Şaredariyan a herêma Cizîrê Josef Lehdo axivî û got, “Komên çekdar hemû saziyên sivîl, xizmetguzarî, toreyên avê, kanalîzasiyonê, ceyran û dan û standinê rûxandin.”
Lehdo di berdewama axaftina xwe de diyar kir ku Rêveberiya Sivîl hemû tiştên ku çeteyan hilweşandiye ji nûve ava dike û got, “Vekirina firinê yek ji mînaka vê ye. Girînge ku xebatkarên firinê bi awayekî baş kar û xebatên xwe bimeşînin.”
Bi navê Hevserokatiya Meclîsa navçeya Til Hemîs Salih El-Xelef, bi navê Şaredariya Gel a navçeya Til Hemîs Abdulrehman El-Hadî, bi navê Eşîra El-Tefhîyîn Silêman El-Başa û bi navê Hevserokatiya Meclîsa Malbatên Şehîdan a navçeyê Ehmed El-Ebawî axivîn.
Di axaftinan de hate gotin ku Rêveberiya Sivîl alîkariya şêniyên herêmê dike û pêwîste şêniyên herêmê jî parastina deskeftiyan bikin.
Paşê deriyê firnê ji aliyê dayîka şehîd Ehmed El-Ebûş ve hate xwendin…ANHA
Firina Til Hemîs hate vekirin
