Hevseroka Giştî ya HDP’ê Pervîn Bûldan, di mîtînga Çewlîgê de ji hezaran re axivî û diyar kir ku HDP wê li meclîsê bibe dengên hemû gelan. Bûldan wiha got, “AKP û MHP bûn tifaq û xwestin Kurdan di bin bendê de bihêlin. Lê wê bi ser nekevin. Em ê li meclîsê bibin nûnerê gelan û van polîtîkayan pûç bikin.”
Hevseroka Giştî ya HDP’ê Pervîn Bûldan, di mîtînga Çewlîgê de axivî û bal kişand ser îtifaqa AKP-MHP’ê. Bûldan got; “Armanca wan bi dengê Kurdan guran bixin Meclîsê. Hişmendiya got ‘Kevir li ser kevir û serî li ser mil nehêlin’ li dijî kurdan bûn tifaq.
Hevseroka Giştî ya HDP’ê Pervîn Bûldan, di çarçoveya xebatên hilbijartina 24’ê Hezîranê de tevlî mîtînga HDP’ê ya bû.
HER KESÎ JI AKPÊ ZILM DÎT
Pervîn Bûldan, ji hezaran kesîre axivî û anî ziman ku ev welat ne mahkûmê AKP û Tayyip Erdogan e û wiha axivî: “Ev welat ne muhtacê AKP’ê û Erdogan e. AKP 16 sal in li ser îktîdarê ye. Hemû kes rastî zilma wan hatin. Gelê vî welatî kirin mahkûmê xizanî û zilmê. Her tiştî ji bêrîka we didizin. Divê hûn yek dengî jî nedin AKP’ê. Bêrû ne wê dîsa bên dengan ji we bixwazin. Keyayan kom dikin. Gefan dixwin. Lê êdî gel biryara xwe daye. Erdogan êdî rêwî ye. Wekî din çare tune ye.”
Bûldan, destnîşan kir ku Kurd ol û bawerî ji AKP’ê û Erdogan fêr nebûne û got: “Em ol ji wan fêr nebûne. Bila olê nîşanî me nedin. Em ji destpêkê de bi ola xwe ve girêdayî ne. Gelê Kurd û gelên din ên rastî zilmê hatine ji niha ve biryara xwe dane. Ev pirsgirêk bi şer û ewlehiyê çareser nabe. Pirsgirêka ziman, ol, çand û nasnameyê heye. Êdî hêza tu kesî tune ku nasname, ziman û çanda me înkar bike. Gelê Çewligê wê kesên li dijî kurdan ceza bike. AKP bi MHP’ê re tifaq ava kir. Dixwazin bi dengê Kurdan gur bibe meclîsê. AKP û MHP bûn tifaq û xwestin Kurdan di bin bendê de bihêlin. Lê wê bi ser nekevin. Em ê li meclîsê bibin nûnerê gelan. Em ê bibin meclîsa gelan û van polîtîkayan pûç bikin.”
