Pêşengeha Devoşka ya ku ji bo welatî kincên hîn erzantir bikaribin bi dest bixin hatiye vekirin rengekî cûda da yê bajêr e. Rêvebera Pêşengehê diyar kir ku Pêşengeha Devoşka di sûkê de xwedî wate û cihekî cûda ye.
Yekîtiya Mamosteyan li Bajarê Til Temir bi alîkariya Mala Koompratîfan pêşengeha Devoşka vekir. Di pêşengehê de cilên zarok û jinan tên firotin. Ev pêşengeh di warê buhabûna kincan de bi erzaniya xwe ji gel re dibe alîkar.
Rêvebera Pêşengeha Devoşka Cîhan Yûnis diyar kir ku Mamoste di avakirina van koompratîfan de rola xwe baş dilîzin û got: ‘’Armanca me wekî mamoste di avakirina vê koompratîvê ew e ku bikaribin bi gelê xwe re bibin alîkar. Rola pêşengeha Devoşka di Sûkê de pir cûda ye. Ji ber ku hemû pêşengeh amûran bi pereyên pir zêde difroşin gel. Lê pêşengeha me rewşa gel li ber çavan digire û bi pereyên kêm kincan difiroşe.’’
Cîhan di berdewamiya axafitna xwe de anî ziman ku erka mamosteyan ne tenê perwerdekirina zarokan e û divê ku civakê jî heşiyar bikin û wiha dewam kir: ‘’Mamosteyên me ji mamosteyên Rêjîmê pir cûda ne ji ber mamosteyên me hem zarokan perwerde dikin û hem jî civakê pêşdixin, hişyar dikin. Avakirina kooperatîfên bi vî rengî aboriya gel û mamosteyan jî hîn xurtir dike.”
Cîhan bang li hemû jinan kir ku cihê xwe di qadên aborî de bigrin û gotina ku jin nikarin tiştekî bikin vala derxînin.
Hediya Hemîd ku ji bo pêwîstiyên zarokên xwe hatiye pêşengeha Devoşka wiha got: ‘’Ez pir kêfxweşim bi vekirina vê pêşengehê. Ji ber ku bi rastî rengekî cûda dide sûka bajêr. Hin kinc û tiştên din kêm in lê di demên pêş de ez bi hêvî me ku bên temamkirin. Ez bang li her kesî dikim ku werin pêşengeha Devoşka bibînin û ez bawer im dê poşman nebin.’’
Hêjayî gotinê ye ku pêşengeha Devoşka beriya hefteyekê li Til Temirê nû hat vekirin…JINNEWS
Jin berê xwe didin Pêşengeha Devoşka
