Li kolanên bajaroka Til Tewîl a girêday Hesekê pirsgirêka ava kanalizasyonê derketiye, şaredarî jî di nava hewldanan de ye pirsgirêkê çareser bike.
Li kolanên bajarokê Til Tewîl a nêzî 4 kîlometreyan bakurê bajarê Hesekê ye ava kanalizasyonan li kolanan kom bûye. Ev yek dibe sedema bîna genî û zêdebûna mêşûmoran. Metirsiya ku nexweşî di nava welatiyan de zêde bibe jî çêbûye.Rêveberiya Şaredariyê jî dibêje ku alavên wan nîne, lewma ew nikarin pirsgirêkê zû çareser bikin.Endamê komîna Til Tewîl ê Ezîz Reşo derbarê mijarê diyar kir ku şerederî li gorî derfetên xwe tev digere û got: “Di xebatên xwe de pir kêm dimîne. Ev demeke dirêje xeta ava kanalizasyonê heye, lê derfetên wan a pêkanîna wê ji ber nebûna alavan kêm e.
Reşo, destnîşan kir ku 9 gundên girêdayî Şeradariya wan bi yek traktora berhevkirina çopê ye û wiha dewam kir: “Gelek alav ji şaredariyê re pêwîst in. Alav nîne, lewma em bang li Desteya Şaredariyan dikin ku alavên pêwîst ji şaredariyê re pêşkêş bikin.”Hevserokê Şaredariya Til Tewîl Ciwan Ehmed jî derbarê mijarê de da zanîn ku pirsgirêka wan di aliyê alavan de heye û ev tişt anî ziman: “Bajarê Hesekê tenê sîtêrek avê heye, ev dibe asteng li pêşiya xebatên me. Di aliyê xizmetê de û çêkirina kanalizasyonan de em encex li gorî derfetên heyî tevbigerin.”
Ehmed bang li Desteya Şaredariyan kir ku alavên pêwîst ji şaredariya wan re pêşkêş bikin û wiha dawî li axaftina xwe anî: “Desteyên Şaredariyan pêwîste derfetên ji şaredariyên me re zêde bike, ji ber herêma Hesekê fireh e û pêwîstî bi gelek alavan heye. Gelek rexneyên gelê me hene, lê em zêdeyî derfetên xwe nikarin tevbigerin.”…ANHA
Şaredarî pirsgirêka kanalîzasyonê çareser dike
