Milfono, ji beriya 50’î salî karê boyaxkirina cilan dike. Ji ber ku di karê xwe de serkeftîbû, li paytexta Elmanyayê Berlînê şaxeke boyaxkirina cilan vekir.
Ebdulbaqî Remedan, di nava civakê de bi navê Milfono tê naskirin, di sala 1963‘an de ji birayê xwe yên mezin fêrî hostatiya boyaxkirina cilan bûye û heta niha di vê xebatê de berdewam dike.
Milfono bi Suryanî tê wateya Hoste, ji ber ku Ebdulbaqî cilên kevin boyax dikir û nû vedigerand, ew nav girt.
Ebdubaqî 2 salan li Helebê kar kir û piştre vegeriya navçeya xwe Dirbesiyê. Li wir bi alavên destpêkî (ûtiya bi komirê germ dibû) dest bi kar kir û her wiha boyax ji paytexta Sûriyê Şamê tanî.
Milfono, wiha got: “Em di beroşeke mezin de ava boyaxê heta nîv saetê dikelînin, piştre em cilan dixin wê avê û pê heta nîv saetek dikelînin. Piştî demekê em cilên boyaxkirî derdixin û dikin ava sar, bi vî awayî boyaxkirin bi dawî dibe.”
Milfono li ser mijara ûtîkirina cilan di wê demê de wisa got: “Min ûtî datinî ser komirê heta germ dibû û bi perçeyek qumaş min ji ser komirê radikir û min cil ûtî dikir.”
Milfono destnîşankir ku ew ji ber xwesteka xwe di 13 saliyê de fêrî vî karî buye.
Ebdulbaqî wekî ku ew kar ji birayê xwe fêrbûye, zarokên wî jî jê hînbûne û heta beşek li paytexta Almanyayê Berlînê vekirine…ANHA
Çîroka hostetiya Milfono
