Şaredariya Gel a bajarê Minbicê xebatên xwe yên girêdayî pêşxistin û geşkirina bajêr di hemû aliyan de bi rêk û pêk dimeşîne û projeyên xwe yên paqijkirin û xemilandina bajêr pêktîne.
Piştî ku Meclîsa Leşkerî ya Minbicê bajar ji DAIŞ’ê rizgar kir, binesaziya bajêr ji nû ve hastesererastkirin û saziyên karûbarên xizmetguzarî û sivîl ên weke Şaredariya Gel hatin damezrandin.
Şaredariya Gel a bajarê Minbicê ji dema hatiye damezrandin ve gelek projeyên xizmetguzarî pêk anîn. Şaredariyê bi hemû hêz û derfetên xwe xebatên xwe ji bo pêşxistin û geşkirina bajêr meşandin.
Di hundirê bajarê Minbicê de Şaredariyê gelek xebat dane meşandin û 3 çerxerê sererast kirin û li ser riya Cerblûs û Cezîrê çerxeriyeke nû ava kir. Her wiha parkên di bajêr de jî sererast kirin û toreyên av û kehrebeyê di van parkan de çêkirin.
Şaredariyê projeya sererastkirina kanalîzasyona bajêr bi baldarî da meşandin. Şaredariyê gelek rê û kolanên bajêr jî sererast kir û qîr kirin.
Girêdayî mijarê Hevserokê Şaredariya Gel a bajarê Minbicê Telal Îsa axivî û diyar kir ku Şaredariya Gel bi hemû hêz û derfetên xwe ji bo xizmeta welatiyan tevdigere û wê asta xebatên xwe ji bo xemilandina bajêr zêde bike.
Îsa bang li hemû welatiyan kir ku bi Şaredariya Gel re bibin alîkar û beşdarî xebatên pêşxistin û geşkirina bajarê xwe di hemû aliyan de bibin alîkar…ANHA
Şaredariya Minbicê bajar geş dike
