Desteya Aborî alîkariyê dide cotkarên pembo

Rêveberiya Giştî ya Çandiniyê û berhemên sewalan a girêdayî Desteya Aborî ya Kantona Cizîrê wê simadê (gubre) ji bo zeviyên pembo bi deyn bide cotkaran.Rêveberiya Giştî ya Çandiniyê û Berhemên Sewalan derbarê mijarê biryarnameyek ji komîteyên xwe yên li herêma Cizîrê re şand. Di biryarnameyê de tê gotin ku wê semad bi deyn ji cotkaran re were dayîn û destnîşan kir ku ev gava wan bi aramanca piştgiriya berhemên pembo pêk hatiye.Di biryarnameyê de hate gotin ku ew ê di rewşa zehmeta a herêma Cizîrê de û ji ber girîngiya pêkanîna zeviyên pembo, rêveberiya giştî ya Çandiniyê Û Berhemên Sewalan qebûl kir ku semadê bi deyîn bide cotkaran di sala 2018’an de. Simad wê li gorî van şert û mercan bide:1-cotkar di riya komîna gundê lê dimîne daxwaznameyekê ku ji aliyê meclîsê ve hatibe erêkirin û firehiya zeviyê tê de hatibe diyarkirin pêşkêş bike. Divê wêneyê nasnameya cotkar jî pê re be.2-Divê keşfa hesabkirinê ji aliyê komîteya çandiniyê ya herêma wî were çêkirin. Ew jî divê miqdara simadê ji wan re were diyarkirin.3-Divê cotkar soza ku wê berhemên xwe bide Rêveberiya Xweser bi awayekî nivîskî pêşkêş bike.4- ji her donimekê re wê 30 kîlo simada yorya were dayîn…ANHA