Muftiyê Amedê yê berê û Namzetê HDP’ê yê Rihayê Nîmetullah Erdogmuş, bal kişand ser aqûbeta serokê AKP’ê Erdogan û got: “Me tevan aqûba cemaeta Fethullah Gulen dît. Aqûbeta hat serê wan dê bê serê we jî.”
Parlamenterê HDP’ê yê Amedê ku niha Namzetê HDP’ê yê Rihayê ye Nîmetullah Erdogmuş, derbarê rewşa serokê AKP’ê Erdogan û zextên wî yên li ser cemaetê destnîşan kir ku tarîqat, cemaat û cemiyet ji bo xizmetê ji civakê re bikin hatine avakirin û wiha got: “Ger ku ev sazî rêxistinên hatine avakirin di xizmeta civakê de bin û li gorî rola xwe tev bigerin wê aştiya civakî her dem pêş bikeve. wê her dem di milê erênî de pirsgirêk çareser bibe. Lê ger ku ev sazî li gorî îktîdarê rola xwe bilîzin, wê demê wê perçekirin pêş bikeve. Wê civakê bikin kole û civak wê îteat bike.”
ÊDÎ KES DÊ JI WAN
BAWER NEKE
Erdogmuş, da zanîn ku îro cemaat û tariqat di xizmeta îktîdarê de ne û wiha got: “Îktîdar niha xetimiye. krizê dijî. Ev daxuyaniyên tariqat, cemaat û saziyên din ne daxuyaniyên wan bi xwe ne. Ev ji aliyê îktîdar û hevkarên wan ve tên arastekirin. Wekî fikrê wan dide nîşandan. Bi vî rengî biçin wê baweriya civakê ya li hemberî xwe winda bikin. Cemaata Fethullah Gulen jî wekî minaka vê yekê ye. Vê cemaatê bi xizmeta perwerdehiyê di nava civakê de hat qebûlkirin. Kengî îktîdarê û dewletê dest avêtê bi deh hezaran kes bûn mexdûrê cemaetê û îktîdarê. Wisa biçe dê aqûbeta Erdogan wekî cemaeta Fethullah Gulen be.”
