Meclîsa Jinan a Minbicê bi daxuyaniyek] diyar kirin ku ew destwerdana derve ya di karûbarê bajarê Minbicê de qebûl nakin û dan zanîn ku Tirkiye di nava hewldanên têkbirina aramiya herêmê û derxistina bê îstîkrarîyê de ye.
Meclîsa Jinan a Minbicê derbarê gefên dewleta Tirk de daxuyaniyek da. Di daxuyaniyê de diyar kirin ku ew destwerdana derve di karûbarên bajarê Minbicê de qebûl nakin. Daxuyanî bi beşdarbûna endamên Mala Jinan û Komîteya Aborî Ya Jinan ve li ber navenda Melcîsa Sivîl a bajar hate xwendin.
Daxuyanî ji aliyê Endama Komîteya Têkiliyên Dîplomasî Ibtîsam Ebulqadir ve hate xwendin.
Di daxuyaniyê de hate diyar kirin ku jinên Minbic û gundên wê komplo û îtîfaqa derbarê destwerdana dewleta Tirk di Minbicê de qebûl nakin û wiha hate gotin: “Ev itîfaq tenê ji bo binpêkriina aramî û istqrara herêmê hatiye kirin. Ew dixwazin berxwedana şêniyên Minbicê ya li dijî zulim û zordariyê derkevin.
Di daxuyaniyê de hate gotin ku Meclîsa Leşkerî ya Minbicê û Hêzên Ewlekariya Hundirîn dikarin ewlekariya herêma Minbicê biparêzin û wiha hate dewam kirin: “Em wekî jinên Minbicê itîfaq û komployên ku derbarê destwerdana karûbarê Minbicê qebûl nakin. Destwerdanên li kar û barên Minbicê re dagirkeriye.”
Jinan di dawiya daxuyaniya xwe de destnîşan kirin ku ew dikarin parastina herêma xwe bikin û da zanîn ku ew armanca dewleta Tirk baş dizan in…
Em destwerdana derve qebûl nakin
