Komîteya Jinan a girêdayî Meclîsa Sivîl a Reqayê xebatên amadekariya vekirina navenda Meclîsa Jinên Sûriyê ber bi dawî ve dibe.
Piştî bajarê Reqayê ji çeteyên DAIŞ’ê hate rizgarkirin xebatên rêxistinî hatin destpêkirin û gavên girîng hatin avêtin. Meclîs û komîteyên taybet hatin avakirin.
Di aliyê rêxistinî de taybet bi jinan jî gavên mezin hatin avêtin. Gelek sazî hatin avakirin. Ev yekem care ku jinên Reqa di hemû qadan de rola pêşengiyê dane ser milê xwe.
Jinên Reqayê niha amadekariya vekirina buroya Meclîsa Jinên Sûriyê dikin. Ev yek bi armanca ku jin bi xwe rêveberiya xwe bikin.
Derbarê mijarê de Endama Rêveber a Komîteya Jinan a Meclîsa Sivîl a Reqayê Feyrûz Xelîl anî ziman ku ji mehekê û vir ve ew amadekariya vekirina buroya Meclîsa JInên Sûriyê li Reqayê dikin û diyar kir ku di demek nêzîk de wê buro were vekirin.
Feyrûz, her wiha destnîşan kir ku armanca wan ji vekirina navendê ew e jin hêviyên xwe pêk bîn in û rola xwe ya xwezayî di nava civakê de bileyzin…ANHA
Buroya Meclîsa Jinên Sûriyê tê vekirin
