Peykerên 34 kesayetên kurd li parka Mînare ya bajarê Hewlêrê hatiye çêkirin. Ji van 23 peyker xirab bûne. Rêvebirên projeya çêkirina peykeran destnîşan kir ku bi zanabûn difin û guhê peykeran hatine şikandin.
Rêvebirê projeya peykerê kesayetên bi nav û deng yên kurd Hawkat Riskin anî ziman ku kesên madeyên hişbir bi kar tînin û kesên qaşo oldar zirarê didin peykeran û wiha axivî: “Rêvebirên parkê li peykeran xwedî dernakevin. Sedemeke din jî ew e ku kesên bê kar û aciz dibin qehra xwe ji peykeran derdixin û zirarê didin peykeran.”
Riskin da zanîn ku peykerên ku hatine çêkirin kesayetên bi nav û deng yên ji çar parçeyên Kurdistanê ne û bang li Hikûmet Herêma Federal a Kurdistanê kir ku li peykeran xwedî derkevin. Riskin da zanîn ku ev cara duyem e peyker tên şikandin. Berdevkê Desteya Serbixwe ya Mafê Mirovan Mihemed Gumeşînî bêhurmetiya ku li hemberî kesayetên kurd hatiye kirin bi van hevokan anî ziman: “Li parkê peykerên bi dehan kesayetên navûdeng ên kurdan hene. Lê mixabin hatine şikandin. Bi şikandina difin û guhê peykeran nagihîjin armanca xwe.”
Peykerên kesayetên navdar xirabkirine
