Şaredariya Gel a Eyn Îsa bi armanca careke din daran lê biçîne, dest bi paqijkirina parkan kir. Di xebatên paqijiyê de 35 karker dixebitin.
Komîteya Xizmetguzariyan a Şaredariya Gel a Navçeya Eyn Îsa dest bi hemleya paqijkirina parkên navçeyê kir. Di navçeyê de 4 park hene, di dema çeteyên DAIŞ’ê de hemû park hatin xirakirin.
Komîte piştî parkan bi temamî paqij bikin, dê daran di wan de biçînin. Di xebatên paqijkirinê de 35 karker dixebitin. Tê payîn ku di dawiya meha Remezanê de dar di parkan de werin çandin.
Derbarê mijarê de karkera bi navê Ferîda Mihemed diyar kir ku ew parkan ji çopê paqij dikin da ku di demên pêş de daran di wan de biçînin.
Hevseroka Komîteya Xizmetguzariyê Xedra Ebûd derbarê mijarê de da zanîn ku armanca wan ew e ku rengê kesk ku ji beriya çend salan li herêmê nemaye vegerînin…ANHA
Parkên Eyn Îsa wê ji nûve geş bibin
