Karîgeriya Çandiniyê ya girêdayî Komîteya Aborî ya Rêveberiya Sivîl a Demokratîk a herêma Tebqayê tedbîrên pêwîst ji bo jinûve vekirina embarxaneyên El-Sehlebiyê wergirtin da ku pêşwaziya genim a îsal bike.
Embarên El-Sehlebiyê 30 km rojhilatê bajarê Tebqayê ye û 10 şaneyên wê yên embarkirinê hene û du şaneyên din jî ji bo lihevxistina hilberînê hatine veqetandin. Her şaneyeke embarkirinê 1200 ton hilberîn werdigire.
Di derbarê rêbazên wergirtina hilberînê de Endamê Rêveberiya Karîgeriya Çandiniyê ya Tebqayê Mihemed El-Mehmûd diyar kir ku ew di destpêkê de hilberîna cotkaran lêkolîn dikin û li gorî wê buhaya hilberîn tê dayîn. El-Mehmûd diyar kir ku ew rêjeya yekemîn a hilberînê bi 175 lîreyên Sûriyê ji bo kîloyeke genim werdigirin.
El-Mehmûd texmîn kir ku ew dê nêzî 50 hezar ton hilberîna genim îsal werbigirin. Ev rêje jî gelekî kêm e bi taybet ji ber ku hikûmeta Tirk herikîna ava çemê Firatê biriye û vê yekê bandoreke neyînî li hilberîna îsal kir. Her wiha kêmbûna baranê di zivistanê de û lehiyên baranê di demsala buharê de pirsgirêk mezintir kir…ANHA
Embar li benda genim in
