Mensûr Salih got: “Tirkiye bi riya alavên xwe yên mîna koma Ixwan û komên terorîst, hewl dide aloziyê li Yemenê derxe û bi riya Yemenê Deryaya Sor kontrol bike.
FacebookTwitterWhatsAppTelegram
Cîgirê serokê daîreya ragihandinê ya meclisa demkî ya başûrê Yemenê Mensûr Salih ji ANHA‘yê re axivî.
Salih di destpêka axaftina xwe de wiha got: “Agahiyên dawî yên ku berdevkê Artêşa Niştimanî ya Lîbyayê general Ehmed El-Mismarî eşkere kirine, Tirkiye hewl dide ewlehiya herêmê têk bibe. General Ehmed El-Mismarî eşkere kiribû ku Tirkiye hewl dide bi Ixwanan Yemenê koordîna bike. Ji bo ku xetertirîn kes ji gelek dewletan bi mûçeyên bilind veguhezîne Yemenê. “
Salih destnîşan kir ku Tirkiye hewl dide cihekê ji xwe re li Kendava Eden û Deryaya Sor çêke û endamên terorîst ji gelek welatan birevîne û veguhêze Yemenê.
Mensûr Salih, got: “ Tirkiye girîngiya herêma Kendava Eden û Deryaya Sor ji bo ewlehiya herêmî û navdewletî, her wiha ji bo ewlehî û aboriya cîhanê baş dizane. Ji ber vê yekê îro bi hevkariya hevalbendên xwe li hemberî projeya erebî ya li dijî terorê disekine û ewlehiya herêmê dixe xeteriyê.”
Salih destnîşan kir ku başûrî li dijî hêzên teror û tundraw ên desteka xwe ji Qeter û Tirkiyê digirin, disekinin û li hemberî wan şerekî giran dikin û di vî warî de serkeftinên mezin bidest xistine. “
‘Tirkiye hewl dide bi riya Yemenê Deryaya Sor kontrol bike‘
