6‘ê Hezîranê ji bo gelê Reqayê xwedî wateyeke girîng e, roja hezkirin, jiyaneke azad û serkeftina xêr li hemberî zulmê nîşan dide.
Şêniyên Reqayê çend salan di bin zilma çeteyan de man. Timî li bendê bûn ku Hêzên Sûriya Demokratîk wan ji zilma çeteyan rizgar bikin. Li ser vê yekê Hêzên Sûriya Demokratîk 6‘ê Hezîrana par de Pêngava Rizgarkirina bajarê Reqayê ji çeteyan ragihandin û di 17‘ê Cotmeha heman salê de bajar rizgar kirin. Taxa Meşleb ku beşê herî mezin di bajêr de ye yekem tax bû ku hat rizgarkirin.
Derbarê roja îlnakirina pêngava rizgarkirinê de şêniyên bajêr nêrînên xwe anîn ziman.
Qasim El-Hesen: Hemd ji xwedê re em ji çeteyên DAIŞ‘ê xelas bûn, dema pêngava rizgarkirinê di 6‘ê Hezîrana 2017‘an de hate ragihandin, me deqe bi deqe, sanî bi sanî dijmartin da ku ji zilma çeteyan xelas bibin. Niha em azad in. Bi saya hevgirtina Ereb, Kurd û Suryan û Asur û hemû beşên civakê bajarê me roj bi roj geş û aram dibe.
Ebdulcelîl El-Hemûd: 6‘ê Hezîranê roja kêfxweşiyê ye, ji ber ku di vê rojê de pêngava rizgarkirina bajar destpê kir. Kêfxweşiya me ya di wê demê de nedihat wesifandin, ji ber ku em ji kabûsa 4 salan xelas dibûn. Em spasiya QSD‘ê dikin ku bajarê me rizgar kir, bi saya wan rewş aram bûye, em bi xwe, xwe bi rêve dibin.
Ehmed El-Salih: Çeteyên DAIŞ‘ê azadiya me asteng kiribûn, di nava 4 salan de kiryarên herî hovane li ser me pêk anîn. Em bi hemleya rizgarkirinê ku hate ragihandin gelek kêfxweş bûn, sebra me nema bû em li benda roja rizgarkirinê bûn. QSD‘ê wateyek nû da jiyana me, êdî em bi aramî dijîn..ANHA
Niha Reqa arame û jiyan lê geş e
