Em amade ne biçin Şamê

Hikmet Hebîb destnîşan kir ku ew amade ne biçin Şamê û diyalogên niştîmanî li ser asta tevahî Sûriyê pêk bîn in.
Endamê Desteya Rêveber a Meclîsa Sûriya Demokratîk MSD’ê Hikmet Hebîb anî ziman ku serdana şandeyên ji Şamê hatine Bakurê Sûriyê erênî ne û da zanîn ku ew ji bo danûstandinên niştîmanî yên Sûriyê amade ne.
Hebîb wiha axivî: ˝Em her tim ji danûstandinên siyasî re amade ne û têkiliya me bi hêzên niştîmanî yên Sûriyê re heye. Em dixwazin dawî li êşên li ser gelên Sûriyê tên were. Em dixwazin rêveberî û destûra Sûriyê were guhertin û her kes bighîje mafê xwe.”
Di berdewamiya axaftina xwe de Hebîb wiha got: ˝Em amade ne ji bo çareserkirina aloziya Sûriyê biçin Şamê û her devereke li Sûriyê û bi her kesî re bidin û bistîn in. Projeyeke me ya niştîmanî heye û em dikarin li ser esasê wê projeyê bi her kesî re nîqaş bikin.”
Têkildarî serdana şandeyên tên Bakurê Sûriyê Hebîb ev tişt anî ziman: ˝Serdana şandeyên têne Bakurê Sûriyê erênî ye. Danûstandinên Niştîmanî yên di navbera gelê Sûriyê de dê ax û gelê Suriyê biparêze. Kongreyên ku ji derve hatin lidarxistin têkçûn û nikarîbûn aloziya Sûriyê çareser bikin. Heta niha jî civaka navdewletî nikare aloziya Sûriyê çareser bike. “…ANHA