Eniya Demokratîk a Sûriyê ya Opozisyonê Hevserok û endamên Meclîsa Zagonsaz a kantona Cizîrê re hevdîtin pêk anîn. Di hevdîtinê de aloziya Sûriyê hat nirxandin û ji bo çareserkirina
aloziya Sûriyê hat gotin ku divê gelên Sûriyê li paytexta Sûriyê Şamê li hevdû rûnin û nîqaş
bikin. Her wiha hat destnîşan kirin ku pêdivî bi lidarxistina Kongreyeke Niştîmanî ya Sûriyê heye.
Di hevdîtina Eniya Demokratîk a Suriyê ya Opozisyonê bi Rêveberiya Xweseriya Demokratîk re li hev civiyan. DI Hevdîtinê de hat gotin ku projeya Rêveberiya Xweseriya Demokratîk ji bo çareserkirina aloziya Sûriyê nimûne ye.
Hevdîtinên şandeya Eniya Demokratîk a Sûriyê ya Oposizyonê li Bakurê Sûriyê bi partî û aliyên siyasî re didomin. Eniya Demokratîk a Sûriyê ya Opozisyonê Hevserok û endamên Meclîsa Zagonsaz a kantona Cizîrê re hevdîtin kir. Hevdîtin li Navenda Meclîsa Zagonsaz li navçeya Amûdê pêkhat.
Sekreterê Giştî yê Eniya Demokratîk a Sûriyê Mehmûd Meriî, Berdevka Eniyê Meys Kiredî, endamên Eniyê û Serokê Partiya Sûrî ya Siberojê Fewzî Teqîdîn, endamê Eniyê Ebdulezîz Dawûd û Serokê Partiya Aştiyê ya Niştîmanî û endamê Eniyê Hanî El-Xurî weke şande serdana Meclîsa Zagonsaz a kantona Cizîrê kirin.
Şande ji alyê Hevserokên Meclîsa Zagonsaz a kantona Cizîrê Hekem Xelo û Nezîre Gewriye, Cîgerê Serokê Meclîsa Rêveber Hisên Ezam, endamê Meclîsa Zagonsaz Abdulkerîm Siko û Berdevkê Komîteya Têkiliyên Derve yê Meclîsa Zagonsaz Kamûran Hisên ve hat pêşwazîkirin.
Di hevdîtinê de aloziya Sûriyê hat nirxandin û ji bo çareserkirina aloziya Sûriyê hat gotin ku divê gelê Sûrî li paytexta Sûriyê Şamê li hevdû rûnin û nîqaş bikin. Her wiha şandeyê diyar kir ku divê hemû hêzên derve ji xaka Sûriyê derkevin û ew dibin sedema ku aloziya Sûriyê kûrtir bibe.
Şandeyê di hevdîtine de destnîşan kir ku projeya Rêveberiya Xweseriya Demokratîk ne mîna projeyên Oposizyona derve ye û ji bo çareserkirina aloziya Sûriyê nimûne ye.
Di dawiya hevdîtine de şandeya Eniya Demokratîk û nûnerên Rêveberiya Xweseriya Demokratîk gihîştin encama ku pêdivî bi lidarxistina Kongreyekî Niştîmanî ya Sûriyê heye.
Têkildarî hevdîtinê Hevserokê Meclîsa Zagonsaz ê kantona Cizîrê Hekem Xelo destnîşan kir ku di hevdîtine de hatiye gotin ku ji bo aloziya Sûriyê çareser bibe pêdivî bi danûstnadineke niştîmanî a Sûrî-Sûrî heye û got:˝ Pêşveçûnên li herêmê diqewimin pêdivî heye ku danûstandineke niştîmanî Sûrî bi hemû alî û hêzên Sûriyê heye. Me tecrûbeya Rêveberiya Xweseriya Demokratîk bi Eniya Demokratîk a Sûriyê re nîqaş kir.˝
