Berdevka Eniya Demokratîk a Sûriyê Meys Kirêdî diyar kir ku projeya Rêveberiya Xweseriya Demokratîk ji bo çareserkirina aloziya Sûriyê nimûne ye û pêdiviya Sûriyê bi danûstandineke Sûrî-Sûrî heye.
Şandeya Eniya Demokratîk a Sûriyê di 4’ê Hezîranê de bi armanca hevdîtin û pêkanîna diyalogan serdana Herêma Cizîrê kir. Şande di serdana xwe de bi gelek aliyên siyasî re hevdîtin kir.
DİVÊ ÇARESERÎ Lİ SÛRİYÊ BE
Berdevka Eniya Demokratîk a Sûriyê Meys Kirêdî di destpêka axaftina xwe de armanca serdanên xwe ji bo Bakurê Sûriyeyê vegot: “ Bajarê Qamişlo yek ji qadên siyasî yên herî ferehe di sûrî de, hatina me ya ji bo Bakurê Sûriyê avakirina peywendiyan di navbera Eniya Demokratîk a Sûriyê û hêzên siyasî yên Sûriyê de ye, her wiha ji bo naskirina kar û xebatên ku li herêmê têne meşandin e.
Meys da zanîn ku ew bi diyalogên Sûrî –Sûrî re ne û got , “Em bi hêvî ne ku hemû hêzên Sûrî, li ser masyekê diyalogan çêbikin da ku bighêjin encamekê ku xizmeta gelê Sûrî bike.”
NİMÛNEYA
ÇARESERİYÊ YE
Meys bal kişand ser tecrûbeya Rêveberiay xweseriya Demokratîk û got: “Rastî ez nikarim bi kurahî ser biaxivim, lê projeya Rêveberiya Xweseriya Demokratîk ji bo çareserkirina aloziya Sûriyê nimûne ye û pêdiviya Sûrî bi danûstandineke Sûrî-Sûrî heye. Her wiha ya ku bala min jî kişand rola jin, rêxistinkirin, ewlehî û tevgera siyasî ya rengereng bi hemû pêkhateyan re modeleke nû û serkeftî ye. Rastî em rexnedayînê xwe didin ku heya niha min serdana bajarekî wiha ku xwedî tevgerkî siyasî xurt û avaker nekiriye.”
Meys Kirêdî da zanîn ku di encama serdana wê ji Cizîrê re xurtbûn, rol û rêxistinkirina jinan bala wê kişand û wiha domand: “Jinên Bakurê Sûrî taybet Rojava xwedî taybetmendiyek cûda ji herêmên din yên sûrî ne, di hemû qadên jiyanî, siyasî, leşkerî û diplomasî de pêşeng û xwedî biryarin. Her wiha tişta herî xweş û balkêş bû sitratîjiya Hevserokatî bû ku di her sazî û navendekê de hevserokatî hebû, ev tê wateya ku di hemû milan de edalet heye. Ev Rêxistin dikare hîn pêşketinên hişmendî ji gel re pêşkşê bike.”
ŞANDEYEK TAYBET JİN WÊ SERDAN BİKE
Berdevka Eniya Demokratîk a Sûriyê Meys Kirêdî dest nîşan kir ku ev tecrûbeyek dewlende û hevdîtinên xwe bi Rêveberiya Xweser re êrênî dibînin û wiha dawî li axaftina xwe anî: Di riya van hevdîtinan bawerim ku wê pêvajoyên nû ji bo Sûriyek demokratîk ava bibe. Ji ber tecrûbeya jin li Rojava di hemû qadan de mînake, di demên pêş de wê serdana jin taybet ji jinên Rojava re be.”
Rêveberiya Xweser nimûneya çareseriyê ye
