Şirketa Koma Cînerê ji bo ku santrala termîkê ya li Silopya ava bikin, li Çiyayê Cûdî li kanên madenê yên nû digerin. Şirket, ji bo dîtina madenê bi dînamîtan Çiyayê Cûdî wêran dike. Dîmenên derdikevin holê asta talankirin û wêrankirina xwezayê nîşan didin.
Lêgerîna kanên madenê ya li Çiyayê Cûdî dewam dike. Şirketa Koma Cînerê, di salên 2006’an de li herêma Bajarok û gundê Bêspin û Gite yên Silopya dest bi avakirina Santrala Termîkê kirin. Di sala 2013’an de Serokwezîrê wê demê Tayyip Erdogan santrala termîkê ya Koma Cinerê vekir. Ji bo berhem pêşkêşî santrala termîkê bikin li Çiyayê Cûdî dest bi lêgerîna kanên madê kirin. Lêgerîna madenê û vekirina kanan a li Çiyayê Cûdî didome. Tê diyarkirin ku heta niha bi hezaran donim zevî ji ber kanên madenê talan û wêran bûne. Bi dînamît û maddeyên teqemeniyê çiya û xwezayê talan û wêran dikin. Welatiyên herêmê diyar kirin ku wargeh û mêrgên wan ku bi hezaran pez û sewalan lê xwedî dikin tev talan û wêran bûne û êdî nikarin li wir sewalkariyê jî bikin.
Xwezaya Cûdî talan û wêran dikin
