li Reqayê jiyan asayî dibe. çalakiyên civakî yên ku di serdeam DAIŞ’Ê nikarîn pêk bînin niha di atmosfêreke azad de pêk tînin.
Hejmareke ciwanên navenda xwedîkirina hespan a El-Qehtaniyê ya rojavayê bajarê Reqayê pêşbirkeke bezandina hespan rêxistin kirin.
Pêşbirka hespan di çarçoveyeke herêmî de li ser riya navenda Çandiniyê ya berê li bakurê gundê Qehtaniyê hate lidarxistin. Di pêşbirkê de 10 hespên resen bi siwarên wan ên gund ve beşdar bûn.
Pêşbirka hespan bi bezandina hespan bi dirêjahiyeke 1,5 km dest pê kir. Di rêjeya yekemîn de hespê bi navê Xetab El-Iz ku xwediyê wê Hesen El-Hec Umer ya siwarê bi navê Hisên El-Hec Umer derket pêş. Di rêjeya duyemîn de jî hespê bi navê Kihêle ya xwediyê wê Mihemed Cemal El-Zahir a siwarê bi navê Mihemed El-Hec Umer bû.
Hesen El-Hec Umer di derbarê pêşbirkê de got ku armanc ji vê pêşbirkê vejandina kevneşopiya herêmê ye. Hesen got ku ew her demekê van pêşbirkên wisa lidar dixînin û gelek welatî beşdarî temaşekirina pêşbirkê dibin.
Hêjayî gotinê ye Hespên resen yên li wê herêmê ji sulaletên kêm ên hespan di cîhanê de ne. Gelek taybetmendiyên van hespan hene û ji ber vê yekê naskirina wan hêsan e. Gelek ji van hespan bi riya şer û cengên kevin li herêmên cûda belav bûn. Her wiha girêdana wan bi mirovan re zêde ye…ANHA
Li Reqayê pêşbirka hespan
